Укучы үлеменеӊ сәбәбе тәмәке, дип аталган

Алексеевск районында 9 класс укучысыныӊ рус теле дәресендә аӊын югалтып егылуы һәм «Ашыгыч ярдәм» машинасы килгәнче вафат булуы күп төрле имеш-мимешләр тудырган иде. Баштагы фикер буенча, укучы наркотиклар да кулланган икән, дип яздылар. Ниһаять, бу буталчык мәсьәләгә ачыклык кертелде. Экспертиза күрсәткәнчә, укучыныӊ үлеменеӊ төп сәбәбе никотинныӊ токсик тәэсире аркасында йөрәк һәм аорта зарарлана. Татарстан прокурорыныӊ өлкән ярдәмчесе Руслан Галиев әйтүенчә, «укучыныӊ йөрәк авыруы аркасында, никотин бик авыр тәэсир иткән. Аныӊ канында нинди дә булса башка наркотик матдәләр табылмаган». Тикшерү вакытында укучыныӊ мәктәптә тәнәфес барышында гадәти һәм электрон сигарет тартуы ачыкланган.