Урманга гөмбәгә барып, аю корбаны булганнар

Ильнур, 14 сентябрь 2015 - 06:16

2387

Мари урманында - Волжск белән Яшел Үзән районы чигендә балаларын саклау максатыннан ана аю гөмбә җыючы хатын-кызга ташланган.

Урманга гөмбәгә барып, аю корбаны булганнар

Әлеге хәл 10 сентябрьдә булган. Волжск шәһәренең ике кешесе урманга гөмбә җыярга килгән була. Алар каршына ике баласын ияртеп ана аю килеп чыга. Аю хатын-кызга ташланган, тәпие белән эченә суккан, тәнен җәрәхәтләгән.

Куркудан әлеге пар кычкыра башлаган, аюлар урманга кереп качкан. Гадәттән тыш хәл урынына полиция хезмәткәрләре һәм табиблар килеп җиткән. Хатын-кызга тиешле ярдәм күрсәтелгән, хәзер ул өендә, ди.

Чыганак: Интертат .ру

Фото: http://www.ampravda.ru/2015/09/01/060122.html