Үзебез уен мәйданчыгы ясыйбыз (фото)

Без исә бистәбезнең Восточная урамында яшәүчеләр балаларыбыз өчен уен мәйданчыгын үзебез ясарга булдык. Әллә кайларга китеп уйнап йөргәнче күз каршында да булалар, куркынычсыз да. Урамыбызда төзелеш башланган, әмма инде ничә еллар үле тынлык хөкем сөргән бер җир участогы бар. Хуҗалар төзелешне дәвам да итми, сатмыйлар да. Җәен кычыткан баскан җир кишәрлеге урамыбызның ямен җибәреп утыра. Күршеләр белән очрашып киңәшләштек тә, бирегә уен мәйданчыгы ясарга булдык. Инде эшне башлап та җибәрдек. Комы кайтты, атынчыгы да ясалды. Спорт белән шөгыльләнү өчен махсус җайланмалар да урнаштырыла башлады. Тиздән биредә ял итәр өчен кечкенә генә өй дә хасил булачак. Әле бу чик түгел, хыялларны эшкә җигеп, эшлисе дә, эшлисе. Иң мөһиме, балаларга уңайлы булсын.