Сынауга әзерлек парадта күренде
Алдагы елларда авыл саен Сабантуйлар карап йөреп, урак җиткәнен сизми дә калдык, дип яза идек, баксаң, бу бәйрәмнәр үткәрелмәсә дә җәй узып бара икән. Районыбыз кырларына күз салсак, анда игеннәргә инде алтын төс иңгән, димәк авыл кешесе өчен гаять җаваплы чор – урып-җыю вакыты килеп җиткән. Хуҗалыкларның бу сынауга әзерлеге, комбайннар төзеклеге, механизаторлар белән тәэмин ителеше – боларның барысы да әһәмиятле.
