Үземнән соң дәвамчылар калдырасым килә
Утыз ел гомерен башлангыч сыйныф укытучысы һөнәренә багышлаган Азат Галиәхмәтов турында ишетеп кенә түгел, ә күреп беләм. Авылыбыз Кенәбашта үрнәк кеше ул. Укытучы булудан тыш укучыларны музыка серләренә өйрәтә, күрше мәктәпләргә йөреп эшләргә дә вакыт таба, авыл зиратын тәртипләп тору эшен дә башкарып килә, гаиләсендә үрнәк ир һәм әти дә.
