Балтачта янгыннарны кисәтү йөзеннән рейдлар үткәрелә

Янгын сүзе һәркем өчен йөрәк өшеткеч яңгырый. Тормыш булгач бәла-казалар да чыгып тора. Еш кына мондый хәвефле бәхетсезлек очраклары гражданнарның ваемсызлыгы, янгыннан саклану чараларын төгәл үтәмәүләре нәтиҗәсендә килеп чыга.

Соңгы вакытта районда янгыннарның еш күзәтелүе борчуга сала. Янгыннар чыгуга күпчелек электр жиһазларыныӊ, ягу һәм жылыту приборларыныӊ төзек булмавы, ут белән саксыз эш итү сәбәпче булып тора. Шулай ук шәхси хуҗалык янында буржуйкалар ягу да төп сәбәпләрнең берсе. Киеренке хәлдән чыгу максатыннан янгын күзәтчелеге бүлеге хезмәткәрләре авыл җирлеге башлыклары белән бергә рейдларга чыкты. Һәр шәхси хуҗалыкка кереп аңлату эшләре алып барыла, шулай ук рейдлар вакытында куркыныч тудыручы йортлар, биналар исәпкә алына.

Нурфат Яппаров
Балтач һәм Кукмара

районара янгын күзәтчелеге

бүлегенең өлкән инспекторы.