Чүпкә баткан плотина ярлары – җәйге ял галәмәте (+фоторепортаж)

Тик артларыннан җыештырмаучыларга карата гына бернинди дә җәзалар күрелмәде. Дөрес, бу кешенең үзеннән, үзенең тирә-юненә хөрмәтеннән тора.

Инде бушап калган яр буйларына сәяхәт ясарга булдым. Җәй буе үз куенына кабул иткән плотиналарга бер караш ташлауга ук күңелләр әллә нишләп куя. Чөнки Шубан авылы янында урнашкан плотинаның тирә-юне чүп кенә. Анда чүпне җыештыруны кирәк санамаганнар да. Сосна авылы янәшәсендәге плотинада хәл бераз уңаерак, ләкин шулай ук вак-төяк чүпләр күзгә ташлана. Ә менә Субаш авылы плотинасы яны яшел хәтфәдәй җәелеп ята. Анда чүп юк. Шуңа да табигатенең гүзәллеге күзгә күренеп, кояшның сихри нурлары төшкән су ялтырап, тынычлыкта яткандай тоелды. Калган плотиналардагы хәл ничегрәк икәнен күзалларга мөмкинлек булмады, алай да алар да кышка Субаштагы кебек чисталыкка төренеп керсәләр иде.