Әдилә Гарипова "Факел"да полимер балчыктан төрле әйберләр ясау буенча мастер-класслар үткәрә.
Кариле авылында яшәүче Иркә Шакирова да биредә булып полимер балчык белән эшләү серләренә төшенгән.
- Мастер-класс безгә бик ошады. Күпме эмоция, күпме яңалык белеп кайттык. Бик яратты Иркә Әдилә апасын, 2 сәгать вакытның узганы сизелмәде дә. Бала белән индивидуаль дәрес алып баруы да бик отышлы. Әдилә бик ягымлы,үз эшенең чын остасы. Кыз кешегә өстәмә шөгыль белү беркайчан да комачауламый, - ди Иркәнең әнисе Роза.
Иркә Балтач гимназиясенең икенче сыйныфын тәмамлады. Сайтыбызның даими укучысы, без үткәргән бәйгеләрдә дә актив катнаша, шашка-шахматны яратып уйный. Хәзер тагын бер һөнәре артты - Иркә полимер балчыктан матур кул эшләре ясый башлады. Беренче эше, әлбәттә, әнисенә бүләк итеп ясалган брошь булды. Якын кешеңә үз кулларың белән ясаган бүләктән дә кадерлесе юк.







Нет комментариев