Карбызны дөрес сайларга өйрәник

Шуңа да икенче көнне үзебез дә алып ашап карарга булдык. Карбызны кулга алгач ничек сайлап алырга кирәклекне генә кабат искә төшерәсе булды. Шуңа да түбәндәге киңәшләрне сезгә дә тәкъдим итәм:

- артык зур карбызга кызыкмагыз, ул ясалма рәвештә үстерелгән булырга мөмкин. Шулай ук кечкенәләре дә баллы булмый. Шуңа да иң яхшысы 5-7 килограммлыны алу;
- койрыгы, һичшиксез, булырга тиеш. Кипкән, сарырак койрык аның өлгергән булуын күрсәтә. Яшел икән, димәк аны өлгергәнче өзгәннәр;
- суккалап караганда яңгыравык тавыш чыгаруы - карбызның өлгергәнлек билгесе. Төбе һәм өске ягыннан басып караганда чытырдавы да җитлеккән булуын күрсәтә;
- кайбер сатучылар кисеп карарга тәкъдим итә. Болай эшләгәндә сатучының пычагындагы пычрак, бактерия һәм тузан карбыз эченә үтеп керә;
- тышкы ягыннан караганда, карбызның нитратлымы, юкмы икәнен билгеләп булмый. Аны кискәч эчке ягында ак яки сары сызыклар булса, димәк ул нитратлар һәм пестицидлар (бер килограмм чи массада нитратлар 60 мкг.нан артык булмаска тиеш) ярдәмендә үстерелгән.

Сак булыгыз, әле җәйнең башы гына, димәк ясалма өлгергән карбызлар да аз түгелдер.

Фото: likeni