Чүп-чарны аерым җыю пунктлары көн саен 7:00 дән 19:00 гә кадәр эшли
Февральдә «Җыю ноктасы» икенчел чимал кабул итү пунктлары Казанда яшәүчеләрдән эшкәртүгә җибәрелгән 22 тонна калдык кабул иттеләр. Бу хакта «ПЖКХ» матбугат хезмәтендә хәбәр иттеләр. Бер ай эчендә чүп-чарны аерым җыю мәйданчыгына 2,7 меңнән артык кеше килгән.
Шәһәрдә ике «Җыю ноктасы» пункты эшли. Алар Васильченко урамы, 6 һәм Родина урамы, 45 адреслары буенча урнашкан.
Васильченко урамындагы пункт февраль аенда 8 тонна икенчел чимал кабул итте. Родина урамындагы мәйданчыкта халык эшкәртү өчен 14 тонна калдык тапшырган.
Чүп-чарны аерым җыю пунктлары көн саен 7:00 дән 19:00 гә кадәр эшли.
Татарстан24
Район тормышына кагылышлы иң мөһим яңалыкларны безнең Макс каналыннан да белә аласыз!
Нет комментариев