Көшкәтбаштан Илсаф Нуриевның хыялы чынга ашты (фото)

Ильнур, 12 август 2016 - 14:34

2542

Хыял чынга ашты дип әйтүе генә җиңел... мәктәп имтиханнарынан соң да кабаттан имтиханнар тапшырып (проф. отбор тестлар, физик әзерлек) гомуми баллары буенча исемлектә 2 мең абитуриент арасында120нче булып, ул РВВДКУ (Рязанское высшее воздушно-десантное командное училище имени генерала армии В. Ф. Маргелова) студенты булды.

Көшкәтбаштан Илсаф Нуриевның хыялы чынга ашты (фото)

Әлеге җиңү җиңел бирелмәде... Илсаф ике ел дәвамында районда үткәрелгән парапланчылар түгәрәгенә йөреп, парапланда очып, берничә тапкыр парашюттан сикереп, чын кыю егет икәнлеген исбатлап, үз алдына максат куеп, аңа ирешәчәген белеп китте. Өметләр акланды... Илсаф хәзер студент. Әле присягага кадәр бер ай вакыт бар. Аларга шул вакыт эчендә яңадан да ныклап уйларга кушылган. Әмма ул кире уйламаячак!

- Монда чын "тимер кеше" ясыйлар, чыдый алмыйча елаган егетләр бар, әмма мин бирешергә уйламыйм, - дигән сүзләре белән әнисен елатса да, авылны, туганнарын, дусларын сагынса да, ул инде үзенең кире чигенмәячәген белә.

Шундый егет үстергән әти-әнисенә һәм шундый энекәш тәрбияләгән абыйсына афәрин!!! Илсафның үзенә сабырлык, беләкләренә көч, йөрәгенә дәрт, күңеленә ихтыяр көче, сәламәтлек телибез. Алга таба да синең белән горурланырга язсын.