Кыш бабайдан балтачлыларга бүләк – бассейн (фото)

Төзелеш объекты бүген кырмыска оясыннан ким түгел: ут сары каска кигән төзүчеләр көн-төн кайнаша, техника гөрелтесе тынып тормый, ә койма эчендәге бина күз иярмәс тизлектә өскә "үрмәли". Декабрь аенда исә бинаның тышкы ягын сендвич панельләр белән монтажлау планлаштырыла. Эшләрнең кызу темпларда барганын белсәк тә, бер сорау тынгылык бирми - бассейн кайчан сафка басачак? Төзелеш өчен җаваплы җитәкчеләр бассейн киләсе елга төзелеп бетәчәк, дип ышандыра. Имәк, көтәргә күп калмады... кыш бабай безгә, һичшиксез, абонементлар алып киләчәк.