Таһир Садыйков чын оригами остасы

«Факел» клубы хезмәткәрләре түгәрәккә йөрүче балалар өчен Таһир Садыйков белән очрашу оештырды. Лаеклы ялга чыкканнан соң Таһир Ногманович оригами белән шөгыльләнә башлый. Ул аның белән шуның кадәр мавыгып китә һәм бүгенге көндә аның чын остасына әйләнә. Аккошлар, вазалар, «Сөембикә» манарасын балалар зур кызыксыну белән карадылар. Таһир Ногманович балаларга оригами турында күп кенә кызыклы әйберләр сөйләде һәм аны ясау буенча мастер-класс үткәрде. Ул үзенең киләчәккә булган максаты белән бүлешеп, бистәбезнең үзәк мәчетен дә оригами аша сынландырасы килүен җиткерде.