Татарстанда «Чиста болыннар» тыюлыгында «Кызыл китап»ка кертелгән коңгыз тапканнар

Татарстанда «Чиста болыннар» комплекслы тыюлыгында кыр тикшеренүләре вакытында «Кызыл китап»ка кертелгән сирәк коңгыз табылган. Махсус сакланучы табигый территориядә җирле флора һәм фаунаның торышы турындагы мәгълүматларны яңартуга юнәлдерелгән масштаблы фәнни экспедиция дәвам итә, дип хәбәр итә «Чистай-информ».

Тикшеренүләрдә Татарстан Фәннәр Академиясенең экология проблемалары һәм җир асты байлыкларыннан файдалану институты белгечләре, Казан федераль университеты галимнәре һәм ТР биоресурслар буенча Дәүләт комитеты хезмәткәрләре катнаша. Хәзер экспертлар сынау мәйданчыкларына нигез сала, маршрут тикшерүләре үткәрә һәм хайваннар санын бәяли.

Галимнәр шулай ук тыюлыкның үсемлек бергәлекләренең яңартылган электрон мәгълүмат базасын булдыру өчен үсемлекләрнең гербар үрнәкләрен җыялар. Моннан тыш, территориянең озак вакытлы экологик мониторингы системасын оештыру өчен төп нокталар билгеләнә. Белгечләр әйтүенчә, алынган мәгълүматлар экосистеманың торышын һәм табигатьне саклау чараларының нәтиҗәлелеген бәяләргә ярдәм итәчәк.

Вести Татарстан