Яңгул чүплеге дә «яшәүдән» туктаган (фото)

Дөрес, кайбер кешеләр моның белән килешмичә, гел элеккечә яшәүне - калдыкларны табигатькә чыгарып котылуны алга сөреп, тавыш та күтәреп йөрделәр. Тик, тамчыдан күл җыела дигәндәй, калган райондашларыбыз бу сүзләр белән килешмичә, чүпне җыючыларга тапшырырга рөхсәтләрен бирделәр. Айлык түләвен дә аңлап кабул иттеләр. Күп еллар Киров ягыннан килгән кешеләрне ямьсез күренеше белән каршы алып «ятучы» Яңгул чүплегенә дә хәзер чүп ташлау тыела. Киләчәктә әлеге җир бөтенләй чистартылып, биредә күз явын алып торырдай берәр күренеш тә пәйда булыр бәлкем.