Яңгулда күпер төзегәннәр (фото)

Яңгул авылында туып-үсеп, бүгенге көндә Чаллыда яшәүче Разия һәм Наил Заһретдиновлар күптән түгел авылдашлары өчен зур бәйрәм ясады. Сабан туе яисә авыл җыены диеп уйлагандыр бик күбегез, юк шул, ялгыштыгыз. Алар үз көчләре белән Галия һәм Зәкиулла Гатауллиннар яшәгән йөорт нигезе торгызу өчен инеш аша күпер салдырды. Элек зур урам булып гөрләп яшәгән бу очта бүгенге көндә басу. Әмма Заһретдиновлар нигезне онытырга ярамый дигән фикерне алга сөреп инеш аша бу урамга күпер төзетте. Һәм аны ачу тантанасына барлык авылдашларын чакырдылар. Бәйрәмгә әверелгән әлеге чара яшь буынга тәрбия, авыл халкы өчен олы вакыйга, ә Заһретдиновларның үзләре өчен зур куаныч булган.