1 июньдә референдумга барабыз - «Әйе» яки «юк» дияргә

Ильнур, 16 май 2014 - 15:18

2482

Газетабызда хәбәр ителгәнчә, 1 июньдә авыл җирлекләрендә үзара салым кертү буенча референдум узачак.

Референдумда 18 яше тулган, сайларга хокукы булган һәр кеше катнаша. Һәм шушы категория гражданнарның һәркайсыннан 200әр сум күләмендә үзара салым җыю мәсьәләсенә мөнәсәбәтен белдерә.

Шунысын да әйтергә кирәк: бүгенге чорда үзара салым - авыл җирлекләренә социаль мәсьәләләрне хәл итүдә финанс кытлыгыннан котылуның бердәнбер юлы. Өстәвенә, аларның күләменә карап, хөкүмәт тә ярдәм ышандыра.

Җыйналган акчалар юлларны яхшырту, социаль объектларны төзекләндерү, зиратларны тәртипләүгә тотылачак. Һәр җирле үзидарә аны нинди юнәлешкә тоту мәсьәләсен үзе планлаштыра. Һәм референдум бюллетенендә үк ул конкрет күренәчәк.

- Без җыйналган сумманы Балтач бистәсендә ял паркы төзүгә тотарга җыенабыз, - ди үзидарә җитәкчесе Илдар Габдрахманов. - Сорау да шулай куелачак. Катнашучыларга «әйе» яки «юк» дип җавап бирергә кирәк.

Фото: http://dotu.org.ua/stati/analiticheskie-stati/2201-referendum-vlast-naroda