22 ноябрьдән гамәлгә керәчәк чикләү чаралары билгеле булды
Татарстанның Министрлар кабинеты коронавирус инфекциясен таралуга каршы тору максатыннан республиканың җәмәгать транспортында пассажирлар өчен чикләү чаралары кертү турында карар кабул итте. Рәсми документ Министрлар Кабинетының 208 нче номерлы карарына үзгәрешләр кертә. Алар 22 ноябрьдән башлап гамәлдә булачак.
Шулай итеп, Татарстан халкы нинди үзгәрешләргә әзер булырга тиеш?
– 15 ноябрьдән театр, кинотеатр, цирк, концерт залларына 18 яшьтән өлкәнрәк тамашачылар бары тик QR-код күрсәткән очракта гына керә ала;
– 22 ноябрьдән башлап 18 яшьтән өлкәнрәк кешеләргә җәмәгать транспортында (такси, җиңел машиналардан тыш), метро, шәһәрдәге җир өсте электр транспортында QR-код белән генә йөрү мөмкин;
– 22 ноябрьдән автовокзалларда, автостанцияләрдә шәһәр яны һәм муниципальара маршрутларга билет сату QR-код күрсәткән очракта гына башкарыла. Искәрмә булып 18 яшьтән яшьрәк һәм төбәкара пассажирлар тора.
Чыганак: Ватаным Татарстан
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев