50 елдан соң очрашу 

50 елга якын вакыт үтеп киткән, 

Тәмамлауга Чапшар мәктәбен. 

Бүген инде әби-бабай булып, 

Килер идек сиңа, мәктәбем. 

Килдек бүген сабакташлар белән, 

Очрашуга, без зур кичәгә. 

Сөйләшергә, хәлләр белешергә, 

Чын күңелдән бәйрәм итәргә. 

Без укыган мәктәп юк шул инде, 

Калды анда бик күп истәлек. 

Саный китсәң матур мизгелләрне, 

Искә алу өчен җитәрлек. 

Түшәмендә безнең караш калды, 

Стенада без әйткән сүзләр. 

Такталарда безнең язу калды, 

Идәнендә без йөргән эзләр. 

Безнең мәктәп юк бит инде диеп, 

Күңелегез, дуслар, тулмасын. 

Исән чакта күрешергә язсын, 

Бу очрашу соңгы булмасын. 

                                Гөлфинур Хәйруллина – Корбангалиева 
                                                                       Бөрбаш авылы