Әбиләр чуагының кайчан киләчәге билгеле

Быел әбиләр чуагы Татарстанга сентябрьнең икенче ункөнлегеннән дә иртә килмәячәк. Бу хакта "Татар-информ«га Казан федераль университетының метеорология, климатология һәм атмосфера экологиясе кафедрасы доценты Тимур Әүхәдиев хәбәр итте.

«Көз башында көзге һава торышының бер-ике атнасыннан соң җылы көннәр килгән чорны еш кына әбиләр чуагы дип атыйлар. Көз башында Атлантик океан өстендә циркуляцияле Азор антициклоны көчәя. Аның җылытылган һава массалары континент эченә җылы алып килә, шул исәптән Татарстанга да», — ди ул.

Спикер билгеләп үткәнчә, «быел яшь әбиләр чуагы булмаячак». Яшь дип августның соңгы көннәрендә — сентябрьнең беренче декадасында булган әбиләр чуагын әйтәләр.

«Җәйге җылы әле артка чигенмәде. Сентябрьнең беренче декадасында һава торышы климат нормасына якын дип фаразлана. Шулай итеп, әбиләр чуагын без сентябрьнең икенче ункөнлегеннән дә иртәрәк көтмибез», — дип билгеләп үтә Әүхәдиев.

Чыганак