Алан Сабан туенда “Татарча солянка” төркеме кыздырды...

Ильнур, 7 июнь 2015 - 17:59

2353

5нче июньдә Алан Сабан туе булды. Бәйрәмне тагын да күркәмрәк итү өчен эстрада артистларының "Татарча солянка" төркеме дә кайткан иде.

Алан Сабан туенда “Татарча солянка” төркеме кыздырды...

Асаф Вәлиев, Айгөл Бариева, Лилия Муллагалиева, Рәсим Низамов, Руслан Вәлиев, Рөстәм Закиров үзләренең матур җырларын бүләк иттеләр, ә Зәмирә Рәҗәпова алып барды.

Ат чабышы белән милли көрәш - Сабантуйның төп бизәге булды. Җирле нәселле атлар арасында беренче урында Саба районыннан "Альзат" кушаматлы ат белән Рүзәл Рәхмәтуллин, икенче - Әтнәдән (Савали) "Стрелка"сы белән Квасов Владимир, өченчедә - Тимирязев хуҗалыгыннан Рубин Гарифуллин.

Нәселле атлар арасында беренчелекне үзенең "Тембр"ы белән Әтнәдән (Савали) килгән Владимир Квасов, икенче урынны "Яңа тормыш"тан "Завпер" кушаматлы чабышкысы белән Рамил Рәхмәтуллин, өченчене Әтнәдән (Савали) "Азимут"ы белән Василий Малков алды.

Көрәштә исә абсолют батыр булып, югары үлчәү авырлыгында Биектау егете Илдар Аббасов калды.

Сабан туен оештыруга зур өлеш керткәне өчен авылдашлары Татарстан Республикасының Министрлар Кабинетының ветеринария Баш идарәсе җитәкчесе Алмаз Хисаметдиновка рәхмәтле.