Ана капиталының 20 мең сумын алырга мөмкин.

Сертификат алу хокукы биргән баланың дөньяга килүенә күпме вакыт узуы мөһим түгел. Бер тапкыр бирелә торган әлеге акча 2015нче елның 31нче декабренә кадәр сертификатлы булган һәр гаиләгә дә бирелә. Гаризаны 2016нчы елның 31нче мартына кадәр тапшырып өлгерергә генә кирәк. Әгәр дә ана капиталының күп өлеше файдаланылып, анда 20 мең сумнан азрак акча калган икән, гариза язган көнгә калган акча тулысынча түләнеп бетә. Бер тапкыр бирелә торган әлеге акчаны гаилә төрле ихтыяҗларда файдалана ала.

Инде район Пенсия фондында әлеге юнәлеш буенча эш башланды. Чират күп булу сәбәпле, бүлек хезмәткәрләре алдан язылырга киңәш итә. Алдан кирәкле документлар әзерләп кую да комачау итмәс. Пенсия фондына килгәндә үзегез белән паспорт, счет реквизитлары турында банктан справка кирәк була. Гариза биргәндә СНИЛС номеры, шулай ук сертификатның сериясе һәм номеры күрсәтелә.