Балтач бистәсенеӊ кирәкле урынындагы кибет

Балтач бистәсенеӊ үзәгендә кибеттән күп нәрсә юк. Ленин урамында инде торак йортлар да сәудә нокталарына әйләнә башлады. Әйтерсеӊ, халык бары кибеткә йөрү белән генә шөгельләнергә тиеш. Ә шул ук вакытта, үзәктәге ерак урамнарда кибетләр бармак белән генә санарлык. Дөрес, аларныӊ керемнәре артык күп түгелдер, әмма шул урамнарда яшәүчеләргә бик кадерле алар. Һәр нәрсәне үзәктән алып кайтып бетереп булмый, аерым, кич белән тиз генә кирәк булганы да була бит. Шундый кибетләрнеӊ берсе коммуналь хуҗалыкныӊ өске ягында, Фатих Кәрим урамында ачылды. «Рамил» кибетендә азык-төлек, көнкүреш, көндәлек тормышта кирәкле әйберләр сатыла.