Балтач “бизәнә”, ә авыллар нишли?

Яңа елга санаулы гына көннәр калды. Район башлыгы Рамил Нотфуллин эшлекле дүшәнбе киӊәшмәсендә төп бизәү эшләрен 20 декабрь көненә тәмамлау бурычы куйды. Дөрестән дә, бизәлгән чыршылар, төсле утлар белән балкып утыручы биналар саны әле акрынлык белән арта. Бистәдә уӊай үзгәрешләрне көнләп-сәгатьләп күрә алабыз... Ә авылларда хәлләр ничек? – Фотолар, хәбәрләр көтәбез. Бәлки тырыш хуҗалар үз капка төпләрен матурлап, бизәкләп куйгандыр. Андыйлар турында язарга, фотога төшерергә онытмагыз.

Сосна җирлеге һәм «Сосна» күмәк хкжалыгы елдагыча бу эшкә беренчеләрдән булып тотынды. Анда эш барышы белән фотолардан таныша аласыз.

Баш мөхәррир фотолары.