Балтач законны үтиме, ике яки өч телдә язамы?

 Сүз хат  язу турында бармый, әлбәттә, элмә такталар, атамалар ике дәүләт телендә дә язылганмы, шул турыда бара. Кайбер авыл җирлекләрендә авыл исемнәре, атамалар ике телдә дә түгел әле. Удмурт, мари авыллары да  күрсәткечләрдә рус һәм үз телләрендә язылган булса, хәзер татар телендә дә язарга кирәк булачак. Бу кибет исемнәренә дә кагыла. Биналардагы элмә такталар да ике телдә булырга тиеш. “Бу мәсьәлә республика югарылыгында  ныклы контрольдә, качып кала торган түгел,  – ди район җитәкчелеге. – Отчет белән чынбарлык аерылмасын иде, реаль саннар кирәк, чөнки күзгә ташланып тора торган әйберләр бу.”