Балтачта кемнәрдер өендә рәхәткә кинәнсә, кемнәрдер черек бәдрәфкә йөри (фото)

Менә шул бәдрәф дигәннәре инде әллә ничә еллар биредә яшәүчеләргә хезмәт итә-итә искереп, череп, тузып беткән. Олылардан кала, бала-чагасы да шунда йөри, арада инвалидлар да бар.

Бүгенге көндә бәдрәф бик аяныч хәлдә, кемнеңдер "хәзинәләр" янына төшеп киткәнен көтәсе юк, алыштырырга вакыт җитепме-җиткән инде. Апрель аеннан, язгы суларны кичкәннән бирле биредә яшәүчеләр районның торак-коммуналь предприятиесенә яңа бәдрәф сорап мөрәҗәгать итә, әле нәрсә, әле боҗра юк, дип гел кичектерә киләләр. Шушы көннәрдә уңай җавап ишетелгән үзе. Димәк, биредә яшәүчеләрдән киләсе көннәрдә рәхмәт сүзе дә ишетеп, яңа бәдәрәфне сайтыбызга да куярлык булыр әле. Бәдрәф ясау ай буена сузыла торган эш түгел, проблемасы булмаса, бер көндә дә хәлеп итеп була аны. Бары тик кеше хәленә керә белеп, кулыңа корал тотып, иренми эшләү генә кирәк.