Балтачта кичен урам утлары янмый. Кайда?

Шамил Усманов урамында кичен багана утлары янмый.

– Җәй көне урамыбызда баганаларны алыштырдылар. Хәер, аны төгәлләнде дип тә әйтеп булмый әле. Урыны-урыны белән иске баганалар утырып тора. Җәй көне төннәр якты булгач, әлеге мәсьәләне күтәрмәдек. Хәзер бик тиз караңгы төшә. Ә безнең урамда ут янмый, йөрергә бик кыен. Юкса, Салкын Чишмә урамында да мондый эшләр башкарылды. Иске баганаларны ала тордылар, яңаларын артыннан ук урнаштырдылар, утлар да вакытында янды. Бездә ни өчен шундый галәмәт? Подстанциягә шалтыратсаң, “Энергосбыт”ка шалтыратырга куша. “Энергосбыт”ка шалтыратсаң, гаепне подстанциягә сылтый. Безгә нишләргә? Җитәкчеләр безне ишетсен иде. – дип шалтыраталар биредә яшәүчеләр.

Фото: pixabay.com/ru