Балтачта кыш нинди булачак

Без, кешеләр, бүгенге көнге мәсьәләне хәл иткәнче, алдагыгысын күбрәк фаразларга яратабыз. Җәй уртасында газета битләрендә кыш нинди булачак, дигән сорауга җавап итеп язмалар күренә башлаган иде. Күп кенә сораштырулар, һава торышы көндәлеге алып баручылар, алдан күрүчеләр, күрәзәчеләр быелгы кышны салкын килә, дип юрыйлар. Әмма бүген, кыш артык салкын киләчәк икән, дип өздереп кенә әйтеп булмый. Кыш бит салкын булырга тиеш, аныӊ бураны да, кары да була. Миләш агачларында кып-кызыл тәлгәшләрне күргәч, әллә дөрестән дә, кыш бик салкын булачактыр, дигән фикерне өстен куябыз. Олылар әйтмешли, нинди булса да, хәере белән булсын, дип теләргә кала.