Балтачта миләш бик уңды, кышы нинди булыр...

Әгәр көз көне каен агачлары астан саргаеп, яфракларын астан коя башласалар - ел җылы килә, ә өстән саргаеп, өстән яфрак коя башласалар - ел салкын килә.

Имәндә чикләвек күп булса, кыш каты килә.

Каен суы күп акса, җәй яңгырлы була.

Кузгалак күп булса, кыш җылы булыр.

Суган кабыгы калын булса, кыш салкын була.

Урган камылдан су чыкса, яңгыр явар.

Урман җилсез шауласа, яңгыр булыр.

Миләш күп булган елны чир күп була.

Миләш күп булса, кыш салкын килә, диләр. Карап карыйк инде, быел миләш-баланнар бик күп, ә кышы нинди булыр...