Балтачта Юстиция Министрлыгы вәкилләре белән “Балаларга бушлай юридик ярдәм күрсәтү ” турында сөйләшү булды.

ТР Юстиция министрының беренче урынбасары Рөстәм Заһидуллин һәм министрлыкның юридик ярдәм күрсәтү секторы мөдире Наталья Фәрхуллина әлеге очрашуга һәм район җирлегендә юридик хезмәт күрсәтү сферасына уңай бәяләмә бирделәр.

Үз яннарына ятим балаларны сыендырган опекун гаиләләргә рәхмәтләрен белдерделәр. Районның халыкка юридик һәм социаль мәсьәләләр буенча җаваплы органнар вәкилләре районның прокурор ярдәмчесе Гөлнара Галиуллина, нотариус Гөлнара Хөснетдинова, опека һәм попечительлек секторы баш белгече Миннәзия Габделхакова, "Наз" бүлекчәсе юрист-консультанты Гүзәл Шәрәфетдинова, балигъ булмаган балалар белән эшләүче инспекторы Ләйсән Шакирова, мәгариф идарәсе методисты Римма Әшрәпова, психологик-педагогик үзәк директоры Гүзәл Закирова, башкарма комитетның юридик бүлек мөдире Раил Мостафин бирегә килгән әти-әниләр хөрмәтенә балаларга кагылышлы юридик ярдәмнәрне ассызыклап, киңәш-тәкъдимнәрен бирделәр.