Бер атна элек югалган бала мәетен күршеләрнең бакчасында тапканнар (+видео)
Опека органнары бу гаиләдән җиде баланы күптән алып киткән, 1 яшь 9 айлык Ангелинаны гына анасы белән калдырып торган булганнар.
Новгород өлкәсенең Холм авылында бер атна элек нәни кыз бала югалган иде. Сабыйның мәетен өе тирәсендә генә тапканнар. Волонтерлар исә әйләнә-тирәдәге урманнар һәм кырлар буйлап дистәләрчә километр мәйданы карап чыкты. Бу турыда «Вести» каналы хәбәр итте.
Ангелина исемле кызга 1 яшь 9 ай була. Сабый 25 гыйнварда югала. Аның мәетен күршеләрнең участогында кар көртендә табалар. Күрше хатын кар көри башлый һәм сабыйның мәетен таба. Баланың өстендә киеме юк, көч кулланып үтерү билгеләре ачыкланмаган.
Узган атнада Ангелинаның анасын һәм үги атасын кулга алганнар. Бу гаилә инде күптән махсус хисапта торган. Аларның җиде баласын моңа кадәр үк опека алып киткән, Ангелина кечкенә булганга гына анасы белән калган булган.
Анасы сүзләренчә, ул кер юган чакта, бала югалган. Хатын ирен дә баласын үтерүдә гаепләгән.
Мунча мичендә сөякләр табылгач, сөякләр баланыкы дип тә уйлаганнар. Тик экспертиза сөякләрнең кешенеке булмавын ачыклаган, диелә хәбәрдә.
- «Гаиләдә сигезенче бала иде». Нәни кыз югалгач, мунча мичендә сөякләр табылган, дип язган идек.
Чыганак: Интертат ; фото: Тикшерү комитеты
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев