Борынгы йортлар турында «Шат-Көшкәтбаш» төркеме менә ничек матур итеп яза!

Хәтерне саклаучы йортлар бу.. Сурәттәгесе безнең уң як күрше йорт. Мин бу йортта кем яшәгәнен, ул әбинең характерын, атлап йөрешләрен, кәмит сүзләрен хәтерлим. Хәзер дә үткән саен тәрәздән карап кала кебек тоела. Курыкмыйм, чөнки әле аның тәрәзәләрендә ут булмаса да нур бар. Йортның хәзерге хуҗалары ишегалдын, бакчаларын ялт итеп тоталар. Тәрәзләрендә ак пәрдәләр... бакчасында ел да җиләк пешә...
Калайга төренмәгән, бар җире агачтан булган йорт... Җылылык, үткән еллар кайтавазын, хәтерне саклаучы йортлар... Үзе гади, үзе матур, үзе җылы... Җылы икәнен беләм, биби саклаганда коймасына арка терәп утырганым бар...