Чаллыда өйдә бикләп калдырылган икенче сыйныф укучысы балконнан сикергән
Баланы ашыгыч ярдәм машинасында хастаханәгә озатканнар. Табиблар, малайны караганнан соң, өенә кайтарып җибәргән.
(Казан, 11 декабрь, «Татар-информ»). Чаллыда өйдә бикләп калдырылган икенче сыйныф укучысы икенче кат балконыннан сикергән. Бу хакта «Челнинские известия» газетасы яза.
Гадәттән тыш хәл кичә Автокаланың 52нче комплексында булган. Мәктәп укучысы дәресләрдән соң әбисе янына килгән. Әбисе оныгына дәрес әзерләргә кушкан һәм малайны ялгызын бикләп калдырып, эшкә киткән. Бала, үзенә генә ямансу яки куркыныч булу сәбәпле, балкон аша урамга «чыгарга» уйлаган.
Кичен малай әнисенә биле һәм аягы авыртуга зарланган. Ашыгыч ярдәм чакыртып, баланы хастаханәгә озатканнар. Табиблар, малайны караганнан соң, өенә кайтарып җибәргән.
Фото: pixabay.com/ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев