Чишмә юлы... ир-егетләр җыены?

Элек-электән чишмәгә чиләк-көянтә асып, хатын-кызлар йөргән. Әле урамнардагы колонкалардан су ташыганда да, су юлында хатын-кызлар гына була иде. Ә хәзер... Заман бу күнегелгән гадәткә дә үз төзәтмәләрен кертте. Чишмәгә хәзер күбесенчә бидон-конистралар белән ир-егетләр йөри. Гадәттә өйгә трубалар аша килгән суның сыйфатыннан риза булмаган кешеләр чишмәгә "сукмак" салды.

Элекке кебек җәяүләп түгел, хәзер чишмәгә дә машинада гына җилдерәләр шул. Еш кына халык күп йөри торган Норма тавы өстендәге чишмәдә хәтта чират пәйда була һәм бу чират еш кына ир-егетләр җыенына әйләнә диләр. Бәхәсләшәләр дә, фикерләшәләр дә, яңалыклар белән дә уртаклашалар... Ә инде сәясәткә кереп китсәләр... Кыскасы, чишмә суына киткән ир-егетләрегез тоткарланса, аптырамагыз, алар чишмә яны җыенында "ил белән дөрес итеп идарә итү проблемаларын" хәл итә булыр...