“Ел укытучысы “ бәйгесенә сайлап алулар бара

Мөгаллим һәм мөгаллимәләребез  “ Ел укытучысы” дигән исемгә ирешү өчен тырыша. Карадуган, Кече Лызи авылларында  районкүләм беренче һәм икенче этаплары узган инде, бүген исә өченче этабы Балтач урта мәктәбендә оештырылды. Салавыч лицееның татар теле укытучысы Алсу Фәрзиева да  үзен әлеге бәйгедә сынап карарга уйлаган. Балаларны һәм үз эшен  яратуы, тырышлыгы, максатчан булуы белән танылган укытучыга уңышлар телибез. Гомумән,  катнашучыларның һәммәсенә дә уңышлар насыйп булсын. Бәйге шартларын үтәү җиңелләрдән түгел, аңа бик нык хәзерлек, сабырлык, белем һәм тырышлык кирәк.