Елмаеп алыйк әле …

Ильнур, 1 гыйнвар 2016 - 05:14

2784

Кичке якта сәрхүшләнеп кайткан ир йокыга тала. Тормыш иптәше, ул йоклаган арада бүлмәләрнеӊ пәрдәләрен алыштырып, икенчеләрен кора.

Иртәнге якта, йокысы туеп уянган ир-ат тиз генә сикереп тора да, ашык-пошык киенә башлый. Йокы аралаш хәләл җефете: «Кая барасыӊ инде таӊ тишегеннән?», - дип сорауына төксе генә: «Тик кенә ят, минем монда йоклаганны хатын белсә, Син дә беттеӊ, мин дә беттем», дип җавап кайтарган.

* * *

Аптекада витрина янында сөмсере коелган яшь егет басып тора. Аптекарь ханым, җайлап кына:

- «Сезгә саклану чарасы кирәк идеме?» - дип сорый.

Егет кеше, уйчан гына: «Хәзер инде соӊ, миӊа 1 яшькә кадәр бала өчен кишер согы һәм подгузник кирәк».

* * *

- Мин бүген 50 сум акча таптым!
- Ә кайда соӊ ул?
- Мин аны ташладым.
- Нәрсәгә?
- Ялган акча булганга, ул 50леккә яӊадан 2 ноль өстәгәннәр һәм кызылга буяганнар иде!!!

Фото: oyreactor