Эсседә нинди ризык файдалы?

Медицина фәннәре кандидаты, табиб-диетолог Маргарита Арзуманян 30 градуслы эсседә нинди ризык файдалы булуы турында сөйләде. Бу хакта Sputnik радиосы хәбәр итә.

Белгеч эссе вакытта рационда тулы кыйммәтле аксым, суда эри торган витаминнар, минераль матдәләр җитәрлек күләмдә булырга тиеш, ә менә майларны азрак кулланырга кирәк, дип билгеләп үтте.

"Шуңа күрә җиңел үзләштерелә торган ашлар иң яхшысы булачак... Өстәвенә, җылысы да, кайнары да. Чөнки алар тир бүленеп чыгуны стимуллаштыра. Шулай да шпинат, кузгалак, яшел тәмләткечләрдән әзерләнгән салкын ашларга, окрошкага өстенлек бирү яхшырак", – дип тәкъдим итә Арзуманян. Әмма алар өйдәге температурада булырга тиеш, артык салкын аш зыянлы була.

Фото: news.ru

Автор: Зөлфия Фәтхетдинова