Этләр йөри төркем-төркем, күрәсезме, беләсезме?

“Иртән, эшкә барышлый фатирдан чыксам, ишегалдында ук этләр йөри. Бер көтү. Ярый, мин инде зур, курыкмыйм, кудым да чыгардым, тагын кая юл алганнардыр... Ә бала-чагага нишләргә кирәк...Мәктәпкә барганда ишектән чыгалмый тоткарланып торсынмы, бакча баласы куркып, телсез калсынмы?...Инде бу турыда мин генә әйтмим. Этләрне атыгыз-бетерегез дип гөнаһка керәсем килми, тик ничек тә чарасын табарга кирәк. Уйлар өчен куелган иптәшләр бар бит. Бу этләрне мин бүген күрдем һәм көнүзәк мәсьәлә дип саныйм аны», дип безнең белән элемтәгә керде бистә гражданины.

Инде бу проблемага комментарий биреп тормыйбыз, беренче очрак кына түгел, әйтә-әйтә арып та китәбез. Укырлар, ниһаять, ишетерләр дип ышанабыз.