Гүзәл Уразованың күлмәге юкка чыккан

"Бу күлмәк башка юк. Туймазы концертларыннан соң бу күлмәк просто юк булды.Ул гадәттәгечә костюм кофрына эленергә тиеш. Минем концерт эчендә сәхнәгә киеп чыга торган 11 костюмның берсе юкка чыга. Туймазы мәдәният йортының бер генә эзләмәгән почмагы калмагандыр. Хәтта урамдагы мусорканы да актарып чыктык. Кемгә кирәк булды икән, аңламыйм...

Бу күлмәкнең дизайнердан лекалаларын шалтыратып сораган идем. Анда да мистика. Бөтен күлмәкләрнең фотолары, лекалалары сакланган, ә бу күлмәкнеке юк..." дип яза Гүзәл үзенең Вконтакте битендә.

Тегелеше буенча авыр күлмәкне рәсеме буенча гына тегәргә ризалашучылар күп булмаган.  Әмма ике көн эчендә Оренбургта шушы күлмәкне тегеп биргәннәр. Җырчы моның өчен Ольга Николаевна, Инесса һәм кызларга рәхмәт белдерә.