Йомырка бәясе тагын 1,5 процентка төште

Татарстанда тавык йомыркасы бәясе кабат төште. Бу атнада ул 1,51 процентка, ягъни дистәсе 126,76 сумга кадәр арзанайды. 

Башка азык-төлек товарларына да бәя төште. Ит продукциясе арасында сыер ите, дуңгыз ите, сосиска һәм сарделька, пешкән колбаса, ә сөт продукциясе арасында майлылыгы 2,5-3,2 процентлы сөт, каймак, каты сырлар һәм балалар өчен коры сөт катнашмаларының да бераз бәяләре арзанайды.

Яшелчәләрдән кәбестә бәясе 5,19 процентка артты, хәзер килограммы 31,05 сум тора. Суган (1 кг — 34,7 сум), банан (151,22 сум) һәм кызыл чөгендер (33,79) бәяләре якынча 2,5 процентка артты. Кишер (1,24 процентка, 36,18 сумга кадәр), кыяр (0,8 процент, 234,12 сум) һәм помидор (0,14 сум, 239,71 сум), киресенчә, арзанайды.

Чыганак