Ирләрдә – уңда, хатын-кызларда сулда булсын...

Эзотериклар, миңнәр барлыкка килү - тормыштагы якын үзгәрешләргә, дип ышандыра.

Туганда кешенең миңе булмый. Алар соңрак барлыкка килә башлый. Бу уникаль “штрих-код” искиткеч зур уңышлар яисә күңелсезлекләр, авырулар да алып килергә мөмкин икән. Борынгылар да, миңнәр юкка гына барлыкка килми, дип ышанган.

Барысы да миңнәрнең кайда булуына бәйле. Белгечләр фикеренчә, миң ирләрдә – уң якта, хатын-кызларда сул якта булса яхшы. Киресенчә булса, ирләрдә – хатын-кыз, хатын-кызларда ирләр сыйфатлары арта башлый, имеш.
Кытайда миңнәр буенча кешенең язмышын да укырга мөмкин дип ышаналар.

Аяктагы миңнәр кешенең практик, “җир кешесе” булуы, ә куллардагы миңнәр еш килеп торучы уңышлар хакында сөйли икән, дип яза Кызыл таң. Иң бәхетлеләрнең миңнәре аркасында яисә җилкәсендә була, ди. Миңен күрә алмаган кешенең язмышы бик яхшы була, имеш...

Фото: pixabay.com/ru