КАЛАНХОЭ НИГӘ ЧӘЧӘК АТМЫЙ?

Автор, 28 гыйнвар 2022 - 10:51

2068

Каландива каланхоэсы талымсыз һәм озак чәчәк ата. Төрле төстәге чәчәкле сортлары бар.

Купшы үссен, чәчәк атсын өчен, аны ел саен яңартырга кирәк. Чөнки чәчәк бөреләре яшь ботакларның очында гына барлыкка килә. Чәчәк атып бетерүгә (моны иртә язда эшләргә кирәк), ботакларын кисеп, яңа чүлмәккә утыртыгыз. Каланхоэ тиз тамырлана, үсеп китә. Ана гөл дә кискәннән соң яңара, яшь ботаклар чыгара. Үсә башлауга, икенче пар яфрак астыннан очын кисәләр, ул тармакланып үсә. Шулай 8-10 ботак барлыкка килгәнче кискәләп торырга кирәк. Җәен каланхоэны һавага чыгаралар.