Кариле авылы халкы төлкеләрдән зыян күрә.

Ильнур, 13 март 2015 - 05:16

2268

5 - 10нчы март көннәрендә Кариле авылының Татарстан, Тынычлык урамнарында яшәүчеләр кичке сәгатьләрдә ике зур төлке йөрүен күрәләр. Хәтта кайберләре аларны этләр белән дә бутый.

Кариле авылы халкы төлкеләрдән зыян күрә.

Бу хакта авыл җирлеге идарәсенә һәм тәртип сагында торучы участок вәкиленә хәбәр итәләр, ләкин кыргый, ач җәнлекләр генә үз эшләрен тиз тоталар. Төнлә тынычлык урамындагы өч хуҗалыкка зыян салалар. Каралты-кураларына үтеп кереп, тавыкларын ботарлап чыгалар.

Кариле авылы халкы: "Кыш буе урамнарга этләр хуҗа булган иде, ә хәзер төлкеләрдән зыян күрәбез. Котырган төлкеләр кешеләргә, хуҗалыктагы терлекләргә ташланып, авырулар китереп чыгармасалар ярый инде, дип борчылабыз. Көн туса берәр нәрсә чыга да тора, соңгы вакытларда урамга чыгарга куркыныч", - ди алар.

Фото: http://batona.net/tags