Кавын үстерәсезме?

Табигатьтәге җәнлек, үсемлекләрнең дә кайберләренә эссе җәй килешә, кайсына юк. Менә быел алма ишелеп уңды, дибез, миңа калса, бакчадагы бар яшелчә-җиләк-җимеш зарланырлык булмады. Үзебезгә җитәр, Алла бирса.

Мин үзем быел дүртенче елын инде кавын утыртам. Беренче елларда тәҗрибә өчен 2-3 төп утыртып карадым. Күңел үсте, быел 6 төп утырттым. Дөрес, безнең якларда кавын эссе елларда гына җитешә. Узган ел гел яңгыр булгач, сабакка котырды да, куптарып кына аттым. Быел инде беренче кавынны авыз иттек, тәмле. Әнә, тагын тәгәрәшеп яталар түтәлдә. Сортының исемен дә белмим, үстерүнең агротехникасын да кулланмыйм. Тиресләп җиргә уҗымын утыртам да, су гына сибәм. Ә сезнең бакчада нинди ят яшелчә-җимешләр үсә?

Гөлсинә Животникова.