Казанда Мәскәү районында сабый дүртенче каттан кибет өстенә килеп төшкән
Ачыкланганча, фатирда 13, 11 һәм бер яшь тә өч айлык малай үзләре генә калган. Кечкенәсе үрмәләп тәрәзә төбенә менгән һәм...
(Казан, 8 август, “Татар-информ”). Казанда Мәскәү районында сабый дүртенче каттан кибет өстенә килеп төшкән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Гадәттән тыш хәл Декабристлар урамындагы 129нчы йортта кичә кич килеп чыккан.
Ачыкланганча, фатирда 13, 11 һәм бер яшь тә өч айлык малай үзләре генә калган. Кечкенәсе үрмәләп тәрәзә төбенә менгән һәм ачык тәрәзәдәге москит челтәргә таянган. Ир бала кибет козырегына егылып төшкән.
3нче коткару часте хезмәткәрләре баскыч куеп, сабыйны түбәдән алган. Табиблар баланы республика клиник хастаханәсенә алып киткәннәр.
Фото: pixabay.com/ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев