Казыгын кактылар, чыршысын утырттылар... Мазһаровта нәрсә төзиләр?

Балтач бистәсенең Мазһаров урамы башында буш торган урыннар бар иде. Буш диеп әйтү дөрес үк булмас, бу урыннар Тимирязев исемендәге җәмгыять басуы.

Мазһаров урамында яшәүчеләр күптәннән инде бу урында балалар өчен уен мәйданчыгы булуын тели, чөнки биредә өй саен диярлек яшьләр, йорт саен 2-3шәр бала, күпчелеге малайлар. Быел Каенлык урамында уен мәйданчыгы сафка баскач, безнең урамга булмас инде ул диеп кәефләре дә кырылды. Соңгы көннәрдә биредә казыклар кактылар. Берничә көннән бу территориядә чыршы агачы да утыртылды. Әллә төзелеш башлана микән? Әллә өметләр дә акланамы?

Фото: автор