Кенәбаш юлы чокырларга баеды (+фоторепортаж)

Ул вакытларда әлеге юлдан йөрүчеләрнең сөенече эченә сыймады. Берничә елдан юлның кайбер өлешләре җайлап бозыла, ә аннан соң хәтта җимерелә дә башлады. Һәм менә бүгенге көндә Кенәбашка якын юлдагы асфальтны асфальт дип атарга да авыр. Биредәге сикертмәләргә кызуырак тизлек белән килеп керсәң, я күкләргә очып Балтач күренәчәк, я машинаң шәп кенә җимереләчәк. Дөрес, районыбызда мондый юллар бер бездә генә түгел, әйбәтләп уйлап карасак район үзәгеннән ераграк урнашкан һәрбер авылга баручы юллар шушындый халәттә. Алай да сабыр авыл халкы булыр әле безнең урамда да бәйрәм дигән уйлары белән тыныч кына сикертмәле юллардан йөрүен дәвам итә.