Көн дә бәйрәм, көн дә...

Ильнур, 28 сентябрь 2014 - 12:23

2420

Бүген берәр истәлекле бәйрәм юкмы икән дип календарьны ачып карасам, шаккаттым. Бүген унбер (!) төрле бәйрәм, 28 истәлекле көн икән.

Безнең күбебез өчен гап-гадәти бер якшәмбедә атом промышленносте хезмәткәрләре үзләренең һөнәри бәйрәмнәрен билгеләп үтә. Бу көн машина төзелеше, халыкара ишетмәүчеләр, Рәсәйдә генераль директор көне (!) дә. Ерак Көнчыгыштагылар Тигр көнен билгеләп үтсә, 28 сентябрь - бөтен дөньяда котыруга каршы көрәш көне дип игълан ителгән.

Бер көндә унбер төрле бәйрәмне билгеләп үткәч, иртәгә инде гадәти эш көне дип уйлыйсызмы? Юк шул. Иртәгә - дөньякүләм ... ЙӨРӘК көне. Менә монысы ичмаса барыбызга да кагыла - бүгеннән үк йөрәкләрегезне саклый башлагыз!

Фото: http://www.allmoldova.com/news/medpark-otmechaet-vsemirnyj-den-serdca/