Күрешергә язсын иде

Әкияттәге Убырлы карчык белән аның мәчесе Баюн, Кыш бабай үзенең оныклары Кар кызы һәм Кар Сылуы белән театральләштерелгән тамаша кылып безнең күңелне ачтылар, биеттеләр, уйнаттылар. Табышмак әйтеп безнең тапкырлыкны тикшерделәр, лотерея уйнатып беркемне дә бүләксез калдырмадылар. Ә инде бүләкнең иң зурысы китапханәгә актив йөрүче иң олы пенсионер Клара апа Рамазановага эләкте. Аның шатланганын күрсәгез!

Бәйрәмнәр саен китапханә кызлары  төрледән-төрле кичәлә уздыра. Бу инде игелекле традициягә әверелеп бара. Кыска гына вакыт эчендә күпме илһам, күпме яхшы кәеф, күпме позитив җыйдык, матур җырлар тыңладык, тәмьле сүзләр ишеттек. Алга таба тагын да шушындый кичәләрне күрергә язсын иде. Шушы бәйрәмдә катнашкан барлык пенсионерлар исеменнән китапханә коллективына матур тормыш, саулык, уңышлар теләп каласым килә!

Көмеш моңы чыңлый кыңгырауның,

Якты нурдай балкый кышкы юл.

Энҗе карлар сибеп, шат елмаеп,

Килә тагын, килә Яңа ел!

Истәлекләр иске елда калсын,

Көннәр тыныч, күкләр саф булсын.

Сагыну-кавышулар тагын килсен,

Җанда яңа өмет кабынсын.
 

Ильмира Кузьмина