Кунакка бүләксез, күчтәнәчсез?

Танышларымның кызы, кияүгә чыгып, Төркиядә яши. Инде ике балалары бар.

– Төркиядә туганнар гел аралашып яши. Хатын-кызларның күбесе эшләми, өйдә, балалар тәрбияли. Кунакка күп йөрешәләр. Әмма ничә кеше килсәләр дә, бервакытта да күчтәнәч, хәтта туган көне булган балаларга да бүләк алып килмиләр.

Башта аптырадым, аннан ияләштем. Әмма үзе кайсына гына барсам да, бүләксез, күчтәнәчсез бармаска тырышам. Бүләк бирүнең дә, алуның да сөнечле, рәхәт әйбер икәнен аңладылар, хәзер алар да балаларның туган көннәренә бүләк бирә башладылар, – дип сөйли ул.

Әнә шулай, танышымның кызы Төркиядә дә татарларның матур гореф-гадәтләрен тарату өстендә эшли...

Ә сез бүләк бирергә яратасызмы?
–Юк
–Яратам
–Дөрестән дә, бирүе дә, алуы да күңелле
–Бездә дә бүләк бирү гадәте юк
–Алганда рәхәт булса да, бүләк сайлаудан да авыр эш юк
–Бирергә яратам, алырга – юк

Фото: pixabay.com/ru